НҰР-СҰЛТАН, 13 қаңтар. Ирактың Киркук қаласында ДАИШ-ке қарсы басталған операцияда 7 террорист залалсыздандырылды, деп TRT хабарлайды.
Ирактың Киркук қаласы ауылдық аймағында ДАИШ террористік ұйымына қарсы басталған операцияда 7 террорист залалсыздандырылды.
Киркуктің оңтүстігіндегі Хавидже ауданы маңында ДАИШ террористік ұйымына бағыттап операциялар басталды.
АҚШ басшылығындағы Халықаралық коалиция күштері әуеден қолдау берген операцияларда Шай алқабы маңында ДАИШ террор ұйымына тиесілі 2 баспана жойылып, 7 террорист залалсыздандырылды.
Аймақтық Ирак күштері де қатысқан операцияның тағы екі күнге созылатыны білдірілді.
