НҰР-СҰЛТАН, 19 қаңтар.  Абуджадан келіп түскен ақпаратқа сәйкес, Нигерия әскерилері 17 қаңтарда елдің солтүстік-батысында орналасқан Замфара штатында 30 содырды өлтірген. Бұл туралы Нигерия қорғаныс министрлігіне сілтеме жасап Синьхуа агенттігі хабарлады .

Әскери қызметшілердің мәлімдемесі бойынша, жексенбі күні  олар Замфара штатындағы жолда көптеген тоналған малды алып жүрген содырлар тобын кездестіріп, қылмыскерлерді қуып, атысқа кірісті. Қақтығыс кезінде бір әскери қызметкер қаза тауып, үшеуі жарақат алды.

Соңғы жылдары Нигерияның солтүстік-батысында содырлардың шабуылдары жиі болып, бейбіт тұрғындардың өліміне және материалдық шығындарға алып келді.