НҰР-СҰЛТАН, 23 қаңтар.  АҚШ билігі сенбіге қараған түні Калифорния штатының Лос-Анджелес маңындағы баптисттер храмында болған жарылысты тергеп жатыр. Бұл туралы NBC телеарнасына сілтеме жасап ТАСС хабарлайды .

Полиция қызметкерлері шіркеуде қолдан жасалған жарылғыш зат жарылды деп санайды . Ол жерде сондай-ақ вандализм әрекеті жасалды. Белгісіз біреулер ғимараттың қабырғаларына қорлайтын мазмұндағы жазулар жазған.

Жарылыстан кейін оқиға орнында өрт басталды. Зардап шеккендер туралы ақпарат жоқ.

Шіркеу ішін Саперлер тексерді. Тергеуге АҚШ ФТБ қатысады.