НҰР-СҰЛТАН, 06 ақпан. Эль-Камышлыдағы Хасаке провинциясында  шабуылдар нәтижесінде проамерикандық «Касад» тобының жетекшісі өлтірілді  және тағы бірнеше содырлар жарақат алды, деп жергілікті ақпарат көздеріне сілтеме жасап САНА агенттігі жазады.

Адля ауылының маңындағы Аш-Шаддади — Дейр-эз-Зор жолында «Касад» топтарына тиесілі автокөлікке жасалған шабуылда жетекшілердің бірі Джван Сердар өлтіріліп, тағы екі содыр жараланғаны хабарланды.

Сонымен қатар, Эль-Қамышыдың оңтүстік-шығысында, Тель-Хамис пен Джазаа аймағының арасындағы жолда қарулы «Касад» содырлары мінген көлікке автоматтардан оқ атылды, нәтижесінде олардың бірнешеуі жарақат алды.

Кешка ауылындағы Рмейлян ауданында полиция бекетінің жанындағы жарылғыш зат іске қосылды, бұл материалдық шығынға әкелді.