НҰР-СҰЛТАН, 28 наурыз. Ауғанстанның солтүстігіндегі Фарьяб провинциясындағы Дехендере су қоймасын күзететін ауған полициясының қызметкерлеріне жасалған «Талибан» содырларының қарулы шабуылында екі полиция қызметкері қаза болды. Бұл туралы Ауғанстанның Ұлттық сумен жабдықтау қызметінің өкілі Низамуддин Хипилвакқа сілтеме жасап Анадолу агенттігі хабарлады.
Оның айтуынша, екі полиция қызметкері «Талибан» содырларының су қоймасына жасаған шабуылының құрбаны болды, ал тағы біреуі жарақат алды.
«Талибан» қозғалысы Фариб провинциясындағы оқиғаға қатысты әлі түсініктеме берген жоқ.
Бұған дейін, 16 наурызда, «Талибан» қозғалысының содырлары Ауғанстанның Герат провинциясындағы Пашдан су қоймасын күзететін қауіпсіздік күштерінің мүшелеріне қарулы шабуыл жасады. Нәтижесінде қауіпсіздік күштерінің үш қызметкері қаза тапты.
