НҰР-СҰЛТАН, 09 сәуір. Вашингтон мен Бағдад американдық контингентті Ирактан шығару кестесі туралы әлі келіскен жоқ. Бұл туралы Вашингтондағы журналистерге Пентагон өкілі Джон Кирби хабарлады, деп жазады Анадолу агенттігі.
Кирби АҚШ Мемлекеттік хатшысы Энтони Блинкен мен Ирактың Сыртқы істер министрі Фуад Хусейн бастаған екі елдің делегациялары арасындағы стратегиялық диалогтың үшінші кезеңінің қорытындылары бойынша «Ирактан американдық әскерлерді шығару процесін жалғастыру туралы» келіскенін еске түсірді.
Алайда, Кирбидің айтуынша, бұл келісім әлі нақты кесте бар екенін және осы елден әскерлерді шығарудың басталуын білдірмейді.
Делегациялар арасындағы кездесулердің үшінші кезеңінен кейінгі бірлескен мәлімдемеде тараптар АҚШ әскерлерін Ирактан түпкілікті шығару туралы қосымша техникалық келіссөздер жүргізуге келіскені айтылды, деп қосты Кирби.
