НҰР-СҰЛТАН, 06 тамыз. Ресей Орталық Азия елдеріне қару жеткізуді арттырды, басты мақсат — террористік қауіптерді тойтару. Бұл туралы Ресей Қарулы Күштері Бас штабының бастығы Валерий Герасимов Қорғаныс министрінің бірінші орынбасары — Өзбекстан Қарулы Күштері Бас штабының бастығы, генерал -майор Шухрат Халмұхамедовпен кездесу барысында мәлімдеді. Бұл туралы Өзбекстан қорғаныс министрлігінің баспасөз қызметіне сілтеме жасап Синьхуа агенттігі хабарлайды.
Оның айтуынша, әскери-техникалық көмек аясында қару-жарақ, техника мен әскери мүлікті қосымша жеткізу ұйымдастырылды.
«Сонымен қатар, Ресей Өзбекстан Қарулы Күштерін жетілдіруге әдістемелік көмек көрсетеді, сонымен қатар олар үшін Ресейдің әскери жоғары оқу орындарында білікті кадрлар дайындайды», — деп қосты Герасимов.
Естеріңізге сала кетейік, аймақтағы жағдайдың шиеленісуіне жауап қайтару және террористік қауіп-қатерлерге тойтарыс беру жөніндегі іс-қимылдарды пысықтау мақсатында қазіргі уақытта Өзбекстанның оңтүстігінде Ауғанстан шекарасына жақын жерде өзбек және орыс әскери қызметшілерінің қатысуымен «Оңтүстік-2021» бірлескен әскери оқу-жаттығулары өтуде.
