ПАВЛОДАР, 08 тамыз. Полицейлер синтетикалық есірткінің аса ірі партиясын 28 жастағы ер адамның үйінен тапты, деп хабарлайды Pavlodarnews.kz.
Облыстық полиция департаменті баспасөз қызметінің мәліметінше, ұнтақ тәрізді 23 орама зат тәркіленген.
— Сараптама қорытындысына сәйкес, жалпы салмағы 6 граммнан асатын синтетикалық препараттар болған. Бұл аса ірі мөлшерге жатады, – деді Павлодар облысы полиция департаменті есірткі қылмысына қарсы іс-қимыл басқармасының бастығы Қуат Түсіпбеков.
Аталған фактіге қатысты ҚР ҚК 296-бабы 4-бөлігі бойынша сотқа дейінгі тергеу жүргізілуде.