Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

Ақтауда ТМД-ға қатысушы мемлекеттердің қауіпсіздік органдары мен арнайы қызметтерінің терроризмге қарсы бөлімшелері басшылық құрамының жиыны өтуде

АҚТАУ, 02 қыркүйек. 2021 жылғы 2 қыркүйекте Ақтау қаласында ТМД-ға қатысушы мемлекеттердің Терроризмге қарсы орталығы (ТМД ТҚО) Қазақстан Республикасының Ұлттық қауіпсіздік комитетімен (ҚР ҰҚК) бірлесіп, ТМД-ға қатысушы мемлекеттердің қауіпсіздік органдарының терроризмге қарсы бөлімшелері мен арнаулы қызметтерінің басшылық құрамының жиынын өткізуде, деп ТҚО баспасөз қызметі хабарлайды. 

Жиынның негізгі іс-шарасы Достастық елдерінің құзыретті органдарының «Каспий-Антитеррор-2021» бірлескен антитеррористік оқу-жаттығуының қорытынды кезеңін өткізу болады.

Жиынның ашылуына ТМД ТҚО басшысы полиция генерал-полковнигі
А.П. Новиков, ҚР ҰҚК Төрағасы ұлттық қауіпсіздік генерал-лейтенанты
К.Қ. Мәсімов, Шанхай ынтымақтастық ұйымы Өңірлік терроризмге қарсы құрылымы Атқарушы комитетінің директоры Д.Ф. Гиёсов және басқалары қатысуда.

Жиын бағдарламасында мыналар көзделген:

— 2021 жылғы 23-26 тамыз кезеңінде 8 мемлекеттің: Армения, Беларусь, Қазақстан, Қырғызстан, Молдова, Ресей, Тәжікстан және Өзбекстан аумақтарында ТМД ТҚО үйлестіруші рөлінде өткізген «Каспий-Антитеррор-2021» ТМД-ға қатысушы мемлекеттердің құзыретті органдарының бірлескен антитеррористік оқу-жаттығуының (бұдан әрі – оқу-жаттығу) бірінші кезеңінің қорытындыларын шығару;

— оқу-жаттығудың мыналарды:

— Республикалық жедел штабтың жұмысын көрсетуді;

— Қазақстан Республикасының әлеуетті ведомстволарының бөлімшелерін тарта отырып, кепілге алынғандарды босату және террористерді бейтараптандыру жөніндегі терроризмге қарсы операция жүргізуді («Бұрғылау қондырғысы» және «Кеме» объектілері);

— теңіз инфрақұрылымы мен мұнай-газ саласының шартты объектілерінде террористік актінің салдарын жою бойынша Қазақстан Республикасы ТЖМ-ның іс-қимылын көрсетуді қамтитын екінші кезеңін (Ақтау қаласының теңіз порты) іске асыру.

Жиынға ТМД-ға қатысушы мемлекеттердің қауіпсіздік органдары, арнаулы қызметтері – Әзірбайжан Республикасы МҚҚ, Армения Республикасы ҰҚҚ, Беларусь Республикасы МҚК, Қазақстан Республикасы ҰҚК, Қырғыз Республикасы МҰҚК, Молдова Республикасы АҚҚ, Ресей ФҚҚ, Тәжікстан Республикасы МҰҚК, Өзбекстан Республикасы МҚҚ делегациялары;

— ТМД Атқарушы комитеті мен салалық ынтымақтастық органдарының (Шекара әскерлері қолбасшылары кеңесінің, Қорғаныс министрлері кеңесі Хатшылығының, Кеден қызметтері басшылары кеңесі құқық қорғау бөлімшелері басшылары комитетінің, Қаржылық барлау бөлімшелері басшылары кеңесінің, Мемлекетаралық авиация комитетінің үйлестіру қызметінің); Шанхай ынтымақтастық ұйымы Өңірлік терроризмге қарсы құрылымы Атқарушы комитетінің, Ұжымдық қауіпсіздік туралы шарт ұйымы Хатшылығының, Есірткі құралдарының, психотроптық заттар мен олардың прекурсорларының заңсыз айналымына қарсы күрес жөніндегі Орталық Азия өңірлік ақпараттық үйлестіру орталығының делегациялары;

— Қазақстан Республикасының министрліктері мен ведомстволарының (Қорғанысмині, АҚДМ, ТЖМ, ІІМ және басқалары) өкілдері қатысуда.

Добавить комментарий

Ваш адрес email не будет опубликован. Обязательные поля помечены *