Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

 84 мыңнан астам қазақстандық азаматтар әлеуметтік желідегі радикалды топтардан шығарылды

НҰР-СҰЛТАН, 07 қыркүйек. Бірінші жартыжылдықта 84 мыңнан астам адам әлеуметтік желідегі радикалды топтардан шығарылды. Бұл туралы ҚР Ақпарат және қоғамдық даму министрлігі Дін істері комитетінің төрағасы Ержан Нүкежанов айтып берді, деп хабарлайды ҚазАқпарат.

«Бірінші жартыжылдықта әлеуметтік желілерде деструктивті топтарда тіркелген 84 мыңнан астам отандасымызды осы топтардан шығарып алдық. Бұл – үлкен көрсеткіш. Сол топтарға біліп немесе білмей байқаусызда кетіп қалған азаматтарымыз бар. Сол жұмыс нәтижесінде осындай көрсеткішге қол жеткізіп отырмыз», — деді Е. Нүкежанов Орталық коммуникациялар қызметінде өткен баспасөз мәслихатында.

Комитет төрағасының айтуынша, жылдан-жылға елімізде деструктивті материалдар саны да артып келеді.

«Биыл діни экстремизм мен терроризм идеяларын насихаттайтын 80 мыңнан астам материалды жойып, 300-ден астамын материалды бұғаттадық. Дегенмен бұл мәселені тек шектеумен шеше алмайтынымыз анық. Ол үшін медиа саласында жұмыс істейтін сапалы мамандарды даярлап жатырмыз, «SMART MEDIA» жобасы арқылы бүгінде 300-ден астам маман медиабіліктілігін арттыруда. Өзіміз де қосымша ақпараттар жариялап отырмыз. Былтыр осы кезеңге дейін 26 мың материал жарияласақ, биыл – 62 мыңнан астам материал жарияладық», — деді спикер.

Соңғы жүргізілген әлеуметтік зерттеулер қорытындысы бойынша, халықтың 87,6%-ы дін саласында жүргізіліп отырған мемлекеттік саясатты қолдаған.

 

Добавить комментарий

Ваш адрес email не будет опубликован. Обязательные поля помечены *