НҰР-СҰЛТАН, 08 қазан.Малидің орталығында әскерилерге жасалған террорлық шабуылда 9 әскери қызметкер қаза болып, 11-і жараланды, деп TRT сілтеме жасап «Терроризмге қарсы комитет» РҚБ ресми сайты хабарлайды.
Мали армиясының Твиттер аккаунтынан жасалған мәлімдемеге қарағанда Бандиагара қаласы маңында әскерлер мінген керуенді террористтер жолға орналастырылған жарылғыш затпен нысанаға алды.
Шабуылда 9 әскер қаза тапты, 11 сарбаз жараланды, 3 көлік жарамсыз болды.
Мәлімдемеде 15 террористің залалсыздандырылғаны және 20 мотоциклдің қолға түскені білдірілді.
