НҰР-СҰЛТАН, 09 қазан.Ауғанстанның солтүстігіндегі Кундуз уәлаятының Сайед Абад аймағында бір мешітте ұйымдастырылған бомбалы шабуылда 100-ден астам адамның қаза тапқаны білдірілді.Бұл туралы TRT агенттігіне сілтеме жасап «Терроризмге қарсы комитет» РҚБ ресми сайты хабарлайды.
Талибанның бас мәлімдемешісі Забихулла Муджахид Кундуз уәлаятының Сайед Абад аймағындағы шиіттерге тиесілі мешітке жұма намазы барысында бомбалы шабуыл ұйымдастырылғанын айтты.
Шабуылда қаза тапқандар мен жарақат алғандардың болғанын түсіндірген Муджахид Талибан күштерінің аймаққа жеткенін және шабуылға байланысты тергеу жұмыстарының басталғанын баяндады.
Аурухана лауазым иелері қаза тапқандар санының 100-ден асқанын мәлімдеді.
