НҰР-СҰЛТАН, 11 қазан. Елде жыл басынан бері 2 мыңға жуық есірткі қылмысы тіркелді. Бұл туралы Ішкі істер министрлігі Есірткі қылмысына қарсы іс-қимыл департаментінің басқарма бастығы Берікхан Нұрғалиев баспасөз мәслиxатында мәлімдеді, деп жазады Хабар24.
Оның айтуынша, 1136 есірткі өткізу және 326 нашаны ірі көлемде сақтау дерегі анықталды. Сондай-ақ ол ұйымдасқан 7 қылмыстық топтың жолы кесілгенін айтты. Олардың үстінен 13 қылмыстық іс қозғалды. 12 тоннадан астам әртүрлі есірткі құралдары табылды. Бұдан бөлек, биыл тоғыз айдың ішінде 13 есірткі зертханасы анықталып, жойылды.
