Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

Петропавл тұрғынынан 15 грамнан астам синтетикалық есірткі тәркіленді

ПЕТРОПАВЛ, 14 қазан. СҚО-да полицейлер 25 жастағы қыздан 33 түйіншек синтетикалық есірткі тәркіледі, – деп хабарлайды Polisia.kz.

СҚО-да полицейлер мақсатты бағытталған жедел іс-шаралардың барысында есірткі қылмысына күдікті Петропавлдың 25 жастағы тұрғынын ұстады. Ұстау кезінде одан кристалл тәрізді зат салынған 33 полимер түйіншек тәркіленді. Сараптама жалпы салмағы 15,3 грамм “тұз” деген атпен белгілі “альфа-PvP” синтетикалық есірткі екендігін растады. Қала тұрғыны аса ірі көлемде есірткі сақтағаны үшін қылмыстық жауапкершілікке тартылмақ. Күдіктіге қатысты күзетпен қамауда ұстау түріндегі бұлтартпау шарасы таңдалды.

– Айта кететін болсақ, 2019 жылы фигурант қыз үйлердің қабырғаларына интернетте есірткі сататын веб-ресурстардың жарнамаларымен граффити салғаны үшін жауапкершілікке тартылды. Ол кезде бұл әрекеті әкімшілік заңнамамен сараланып, оның айыппұл төлеуіне тура келген. Бүгінгі күні есірткі ресурстарын жарнамалау қылмыс болып табылады. Сонымен қатар, аса ірі көлемде есірткі сақтағаны үшін заңнамамен қатаң жауапкершілік қарастырылған: 7 жылға дейін бас бостандығынан айыру, – дейді СҚО ПД Есірткі қылмысына қарсы іс-қимыл басқармасы бастығының міндетін атқарушы Иван Терзиди.

Синтетикалық есірткілерді таратуға қарсы іс-қимыл жасау – СҚО ПД ЕҚҚІҚ басқармасының және оның аумақтық бөліністерінің басты міндеттерінің бірі. Жыл басынан облыста “есірткіні жасыру” жолымен есірткі таратуда күдікті 13 адам ұсталды. 4 келі 287 грамм синтетикалық есірткі алынды. СҚО-да жыл басынан заңсыз айналымнан 404 келіден астам есірткі құралдары алынды.

Добавить комментарий

Ваш адрес email не будет опубликован. Обязательные поля помечены *