Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

Полицейлер діни қызметкерлер үшін экстремизмге қарсы іс-қимыл бойынша семинар өткізді

ҚОСТАНАЙ, 30 қазан. Қостанайлық полицейлер дін қызметкерлеріне терроризмге қарсы іс-қимыл бойынша сабақ өткізді, – деп хабарлайды Polisia.kz.

Қостанай облысы Полиция департаментінің экстремизмге қарсы іс-қимыл басқармасының қызметкерлері “Қазақстан Православтық Шіркеуінің Қостанай және Рудный Епархиясы” жергілікті діни бірлестігінің өкілдерімен семинар өткізді.

Кездесуге келгендерге “Терроризмге қарсы іс-қимыл саласындағы ҚР заңнамасындағы өзгерістер”, “Террористік тұрғыдан осал объектілердің терроризмге қарсы қорғалуын ұйымдастыруға қойылатын талаптарды бекіту туралы” ҚР Үкіметінің 2021 жылғы 6 мамырдағы № 305 Қаулысы жеткізілді. Сондай-ақ, полицейлер жергілікті діни бірлестік қызметшілерін терроризм актісінің орын алу қаупі төнген және күдікті зат табылған кездегі алғашқы іс-әрекеттерімен таныстырды.

– Қатысушыларға лаңкестік оқиғалары кезінде қалай әрекет жасау керектігі туралы айттық. Терроризмге қарсы іс-қимыл саласындағы заңнамадағы өзгерістер бойынша ақпараттар толығырақ түсіндірілді. Әр адам террорлық шабуылдар кезінде қалай әрекет ету керектігін білуі қажет. Жыл басынан бері осындай 70 кездесу өтті, оған барлығы 1700-ден астам адам қатысты, – дейді Қостанай облысы ПД Экстремизмге қарсы іс-қимыл басқармасының қызметкері Амангелді Бапинов.

Іс-шара барысында облыстық ПД экстремизмге қарсы іс-қимыл басқармасының қызметкерлері қатысушылар назарына аталған тақырып бойынша түрлі бейнематериалдарды ұсынды.

Добавить комментарий

Ваш адрес email не будет опубликован. Обязательные поля помечены *