НҰР-СҰЛТАН, 23 қараша. Шри-Ланка мен Ресей терроризмге қарсы күрес және терроризмді қаржыландыруға қарсы іс-қимылға қатысты ақпарат алмасуға келісті. Бұл туралы Шри-Ланка президенті Готабай Раджапакса дүйсенбіде Ресей Федерациясы Қауіпсіздік кеңесінің хатшысы Николай Патрушевпен өткен кездесудің қорытындысы бойынша жасаған мәлімдемесіне сілтеме жасап ТАСС хабарлайды .
«Ресей Қауіпсіздік кеңесінің хатшысы Николай Патрушевпен достық кездесуде болдым. Біз экстремизммен, терроризммен және киберқауіптермен, соның ішінде барлау ақпаратымен алмасу және терроризмді қаржыландыруға қарсы іс-қимыл бойынша екіжақты ынтымақтастығымызды тереңдетуге келістік», — деді Раджапакса өзінің Twitter парақшасында.
Бұған дейін РФ Қауіпсіздік кеңесі аппаратының баспасөз қызметі хабарлағандай, кездесуде саяси, сауда-экономикалық және энергетикалық салалардағы өзара іс-қимылдың негізгі бағыттары, сондай-ақ қауіпсіздік саласындағы ынтымақтастықтың перспективалары айқындалды.
