НҰР-СҰЛТАН, 24 желтоқсан. Красноярск қаласындағы сегіз мектептің оқушылары миналау туралы жалған хабардан кейін эвакуацияланды, деп хабарлайды ТАСС аймақтың құқық қорғау органдарындағы дереккөзіне сілтеме жасап.
«Қаладағы сегіз мектеп эвакуацияланды», — деді агенттік сұхбатшысы жалған миналау екенін айтып.
ТАСС әзірге құқық қорғау органдарынан түсініктеме алған жоқ.
№143 мектептің оқушылары жақын маңдағы балабақшаға эвакуацияланды, деп хабарлайды ТАСС тілшісі. Мектеп ауласында өрт сөндіру машинасы мен бригада жұмыс істеуде.
