НҰР-СҰЛТАН, 25 қаңтар. Германияның Гейдельберг университетінің кампусында ұйымдастырылған қарулы шабуылда 1 кісі қаза тапты, деп TRT агенттігіне сілтеме жасап «Терроризмге қарсы комитет» РҚБ ресми сайты хабарлайды.
Мангейм полициясының мәлімдемесінде университеттің аудиториясында болған шабуылда 4 кісі жараланғаны білдірілді.
Неміс баспасөзіндегі хабарға қарағанда басынан жараланған бір әйелдің ауруханада қаза тапқаны хабарланды.
Неміс баспасөзі университеттің аудиториясында сабақ кезінде оқ атқан шабуылшының өзін өлтіргенін жазды.
Оқиға болған жерге көптеген полиция мен өрт сөндіру тобы жолданды.
Шабуыл жасалған кампуста ботаника бағы мен аурухананың бөлімшелері болғаны хабарланды.
