НҰР-СҰЛТАН, 30 қаңтар. Колумбияның Какета департаменті губернаторының кортежінің жолында қолдан жасалған бомба жарылып, екі полиция қызметкері қаза тауып, үшеуі жараланды, деп хабарлайды полиция басшысы генерал Хорхе Варгас. Бұл туралы РИА Новости агенттігіне сілтеме жасап «Терроризмге қарсы комитет» РҚБ ресми сайты хабарлайды.
«Біз бүгін Какетадағы патрульшілеріміз Уильям Эчеверриа мен Мигель Бернальдың өмірін қиған лаңкестік әрекетті айыптаймыз», — деп жазды генерал Twitter-де.
Колумбия полициясы бастығының айтуынша, тәртіп сақшылары аймақты аралап жүрген губернатор кортежінің қауіпсіздігін қамтамасыз еткен.
