НҰР-СҰЛТАН, 03 ақпан. Біріккен Араб Әмірліктері (БАӘ) аумағына ұшқышсыз ұшақпен жасалған шабуылды Ирактың «Әлвият әл-ваад әл-хакк» әскери тобы өз мойнына алды, деп йемендік Al-Masdar online ақпараттық порталы хабарлайды.Бұл ТАСС агенттігіне сілтеме жасап «Терроризмге қарсы комитет» РҚБ ресми сайты жазады.
«Әлвият әл-ваад әл-хакк» қолбасшылығы сәрсенбі күні таңертең Әмірлік аумағына қарай ұшқышсыз ұшақ қолдана отырып жүргізілген операция үшін жауапкершілікті өз мойнына алды», — делінген хуситтер мәлімдемесінде.
Бұған дейін БАӘ Қорғаныс министрлігі сәрсенбі күні таңертең елдің әуе кеңістігінде тосқауыл жасалған үш ұшқышсыз ұшақтың жойылғаны туралы хабарлаған.
Сонымен бірге, көтерілісшілер таратқан мәлімдемеде Ирак тобы БАӘ бағытында төрт ұшқышсыз ұшақ ұшырған туралы айтылған.
Қаңтар айының соңында Иракта орналасқан ираншыл «Катаиб Хезболламен» тығыз байланысы бар «Әлвият әл-ваад әл-хакк» Сауд Арабиясына ұшқышсыз ұшақтардың шабуылдарының бірі үшін жауапкершілікті өз мойнына алған.
