НҰР-СҰЛТАН, 16 ақпан.  Ульяновск облысында Димитровградтағы түзеу колонияларының бірінде анықталған экстремистік ұйымның қызметі тоқтатылды, деп аймақтағы Ішкі істер министрлігі мәлімдеді, деп REGNUM агенттігіне сілтеме жасап «Терроризмге қарсы комитет» РҚБ ресми сайты  жазады.

Жедел мәліметтерге сәйкес, қылмыстық иерархияда жоғары орынға ие болған тұтқындардың бірі экстремистік ұйымның ұяшығын ұйымдастырып, оған тағы үш сотталушыны тартты.

«Олар сотталғандар арасында қылмыстық ортада қабылданған ережелер мен дәстүрлерді насихаттап, колония қызметкерлерінің қызметтік міндеттерін орындауына кедергі келтірген», — делінген хабарламада.

Тәртіп сақшылары Димитровград қаласындағы колониялардың бірінің аумағында экстремистік ұйымның ұяшығы әрекет еткенін нақтылап отыр.

Ульяновск облысы бойынша РТК басқармасы тінту кезінде қылмыскерлерден тыйым салынған заттар – пышақтар, ұштағыштар, ұялы телефондар, алкогольдік сусындарды жасауға арналған құрылғының бөлшектері, ойын карталары табылғанын қосады.

Экстремистік қозғалыс мүшелеріне қатысты Ресей Федерациясының Қылмыстық кодексінің 282.2 бабының 1, 2 бөлімдеріне «Экстремистік ұйымның қызметін ұйымдастыру» көзделген қылмыс белгілері бойынша қылмыстық іс қозғалды.