НҰР-СҰЛТАН, 20 ақпан. Ирактың қауіпсіздік күштері елдің әртүрлі провинцияларында ДАИШ (ИМ) ұйымының алты лаңкесін тұтқындады, деп SANA ақпарат агенттігіне сілтеме жасап «Терроризмге қарсы комитет» РҚБ ресми сайты жазады.
Ирак әскери бас қолбасшысының өкілі Яхья Расулдың айтуынша, Терроризмге қарсы қызмет Бағдад провинциясының солтүстігінде ДАИШ лаңкесін және Салах ад-Дин мен Найнава провинцияларында тағы екеуін, сондай-ақ Эрбилде тағы екі адамды ұстады.
Сондай-ақ, алынған ақпарат негізінде Анбар провинциясының Эр-Рамади қаласында Терроризм туралы заңның 4-бабы негізінде іздеуде жүрген содыр ұсталды.
