НҰР-СҰЛТАН,04 наурыз. Өзбекстан президенті Шавкат Мирзиёев экстремизм мен терроризмге қарсы тұру бойынша бес ұсыныс жасады. Бастамалар «БҰҰ-ның терроризмге қарсы жаһандық стратегиясын жүзеге асыру жөніндегі бірлескен іс-қимыл жоспары аясында Орталық Азия мемлекеттерінің аймақтық ынтымақтастығы» халықаралық конференциясында айтылды, деп Sputnik Өзбекстан агенттігіне сілтеме жасап «Терроризмге қарсы комитет» РҚБ ресми сайты хабарлайды.
- Орталық Азияда БҰҰ терроризмге қарсы басқармасы кеңсесінің ашылуы. Өзбекстан басшысының айтуынша, Бірлескен іс-қимыл жоспарының жүзеге асырылуын үнемі қадағалап, сыни тұрғыдан бағалау қажет. Қауіпсіздік мәселелерін шешуге қатысатын жетекші халықаралық және аймақтық ұйымдармен тығыз әрекеттесу арқылы Өзбекстанның өзара іс-қимылын күшейту ұсынылды.
- Цифрлық кеңістікте терроризммен күресу үшін Орталық Азияда Бірыңғай электронды кибертеррорлық желіні құру
- Орталық Азия елдерінің жетекші сарапшылары арасынан аймақтық Сараптама кеңесін құру. Кеңес әскери қақтығыстар аймақтарынан оралған азаматтарды оңалту және реинтеграциялау мәселелерімен айналысатын болады.
- 2023 жылы Самарқандта Орталық және Оңтүстік Азия елдерінің Жастар кеңесін аймақтық қауіпсіздік мәселелерін талқылау үшін шақыру.
- 2023 жылы «Ағартушылық және діни толеранттылық» жоғары деңгейдегі халықаралық конференциясын өткізу. Өзбекстан Президентінің айтуынша, бұл шара БҰҰ Арнайы қарарының идеяларын ілгерілетудегі алдағы қадамдарды айқындайды.
