НҰР-СҰЛТАН, 07 наурыз. Бүгін Сирияның орталығында Хомс провинциясының ауылдық жерінде  әскерилер мінген автобус торуылға тап болып, 13 сарбаз қаза тапты, деп САНА мемлекеттік ақпарат агенттігі хабарлайды, деп Синьхуа агенттігіне сілтеме жасап «Терроризмге қарсы комитет» РҚБ ресми сайты  жазады.

Агенттіктің мәліметінше, автобусқа шабуыл Пальмира қаласының маңындағы далаң жерде болған. Қаза тапқандар арасында офицерлер де бар.

«Террорлық шабуылдың» салдарынан тағы 18әскерилердің жараланғаны хабарланды.

САНА шабуылдың артында тұрғандарды атамайды. Бұған дейін осыған ұқсас шабуылдардың барлығын далаң аймақтарда әлі де белсенді болып жатқан «Ислам мемлекеті»* экстремистік тобының қалдықтары жасаған.

* Қазақстан Республикасында тыйым салынған ұйым