НҰР-СҰЛТАН, 09 наурыз.Америка Құрама Штаттарында көлік ислам орталығының қабырғасын соғып қиратты, шабуыл кезінде ешкім зардап шекпеді, деп Seattle Times басылымы хабарлайды, деп IslamNews сілтеме жасап «Терроризмге қарсы комитет» РҚБ ресми сайты хабарлайды.
Дүйсенбі күні таңертең көлік Бериен қаласының ислам орталығының тұрағынан өтіп, кейін діни ғимараттың қабырғасына соғылған. Көлік намазхананың панорамалық терезесін соғып, бөлменің ішіне кіріп кеткен, содан кейін жүргізуші кері бұрылып, қылмыс орнынан бой тасалаған.
Шабуыл кезінде намазханада ешкім болмаған – оқиға таңғы намаз аяқталған соң болған.
Полиция бастығы Бериена Тед Боу болған оқиға туралы баспасөз мәслихатында сөз сөйледі. Оның сөзіне қарағанда, құқық қорғау органдарында қылмыскердің әрекеті туралы ақпарат жоқ.
Бампері оқиға орнында қалған күміс түсті Toyota Corolla іздеуге жарияланды.
Мұсылман қауымы бұл жай көлік апаты емес екеніне сенімді.
Мешіт имамы Яхья Суфи: «Бұл кездейсоқтық немесе апат болуы мүмкін емес», — деді және көлік өте үлкен ғимараттың басқа бөлігіне емес, әдейі намазханаға соғылғанын айтты.
