НҰР-СҰЛТАН, 12 наурыз. Ауғанстанның солтүстігіндегі Фарьяб провинциясының әкімшілік орталығы Меймен қаласында жұма күні болған жарылыс салдарынан екі бала зардап шекті, деп Бахтар мемлекеттік ақпарат агенттігі хабарлайды. Бұл туралы «Синьхуа » агенттігіне сілтеме жасап «Терроризмге қарсы комитет» РҚБ ресми сайты жазады.
Зардап шеккен балалардың туыстарына сілтеме жасаған ақпарат агенттігінің хабарлауынша, балалар полицияның тоғызыншы ауданындағы ойын алаңында ойнап жүргенде, өткен соғыстардан қалған құрылғы кенет жарылып кеткен. Балалардың бірі ауыр жарақат алып, қазір ауыр халде жатыр.
Полиция оқиғаға қатысты әзірге түсініктеме берген жоқ.
