НҰР-СҰЛТАН, 14 наурыз. Жексенбі күні Буркина-Фасоның солтүстігінде жасалған шабуылда кем дегенде 13 жандарм қаза тапты,деп France-Presse агенттігіне сілтеме жасап ТАСС хабарлайды.
Қауіпсіздік қызметіндегі дереккөздерінің хабарлауынша, Тапарко шахтасының маңында жандарм тобы торуылға түскен. Алдын ала мәлімет бойынша, 13 адам қаза тапты. Бірнеше жандарм әзірге хабарсыз кеткен деп саналады.
Бір аптаның ішінде Буркина-Фасоның солтүстігіндегі алтын кеніштеріге үш шабуыл жасалды. Наурыздың 10-ы күні бұл топ Сейтенг аймағында шабуыл жасап, он адамды өлтірді.12 наурызда 30 содыр кеніш аумағына кіріп, 11 адамды өлтірді. Шабуылшылар өндіріс орнындағы құнды заттарды басып алды.
