НҰР-СҰЛТАН, 07 сәуір. Екатеринбургтің Орталық округтік әскери соты Қорған тұрғынына терроризм мен экстремистік әрекетке жария түрде шақырғаны үшін 300 мың рубль айыппұл салды, деп SibRu.Com сілтеме жасап «Терроризмге қарсы комитет» РҚБ ресми сайты хабарлайды.
Сотталушы әлеуметтік желілердің біріндегі парақшасында Ресейде мемлекеттік билікті күшпен құлатуға, сондай-ақ еврей ұлтының өкілдерін физикалық түрде жоюға шақыратын мәтіндік материалдарды жариялағаны анықталды.
Ол Ресей Федерациясы Қылмыстық кодексінің 280-бабының 2-бөлігі, 205.2-бабының 2-бөлігі (Интернет желісін пайдалана отырып, экстремистік және террористік әрекетке жария түрде шақыру) бойынша кінәлі деп танылды.
