НҰР-СҰЛТАН, 08 сәуір. Сауд Арабиясында 50 есірткі диллері ұсталды, деп EurAsia Daily басылымы хабарлайды, деп  Stopterror.uz сілтеме жасап «Терроризмге қарсы комитет» РҚБ ресми сайты  жазады.

27 Сауд Арабиясының, 10 Эфиопия, 6 Бангладеш, 4 Йемен, 2 Сомали және бір Үндістан азаматы  контрабанда жасады деген күдікпен қамауға алынды. Контрабандалық әрекеттер Джазан, Наджран, Асир, Мекке әл-Мукаррама және Табук аймақтарында орын алды.

Күдіктілер 279 010 дана амфетамин таблеткасын, 330 келі гашишті, 39 тонна 934 келі кат есірткі затын алып өтпек болған.

Есірткі заттарының контрабандасы Сауд Арабиясының қауіпсіздігіне төнетін сын-қатерлердің бірі болып табылады. Көбінесе патшалық аумағына гашиш, героин, кокаин және кат әкелінеді.