НҰР-СҰЛТАН, 15 сәуір. Бейсенбі күні АҚШ вице-президенті Камала Харрис Израиль президенті Ицхак Герцогпен телефон арқылы сөйлесіп, осы елдегі шабуылдарды айыптап, Вашингтонның қауіпсіздікті қолдауға дайын екенін мәлімдеді. Бұл туралы Харрис аппараты таратқан мәлімдемеге сілтеме жасап ТАСС хабарлайды, «Терроризмге қарсы комитет» РҚБ ресми сайты жазады.
«Вице-президент бұл лаңкестік шабуылдарды қатаң түрде айыптады және АҚШ-тың Израильдің қауіпсіздігі мен өзін-өзі қорғауына қолдау көрсетуі мызғымас екенін атап өтті. Вице-президент шиеленісті төмендету бойынша одан әрі күш-жігерді қолдайтынын білдірді», — делінген құжатта.
Харрис сонымен қатар тараптар «Израильдің аймақтағы қауіпсіздігі мен тұрақтылығына әсер ететін осы және басқа да мәселелер бойынша тығыз байланыста болатынын» атап өтті.
Соңғы бірнеше аптада Израильде болған лаңкестік әрекеттерден кемінде 14 адам қаза тапты.
