Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

Петропавлда жалған террористік акт туралы хабарлаған адам бір жылға бас бостандығынан айырылды 

ПЕТРОПАВЛ, 05 мамыр. Петропавлда көп қабатты үйге жарылғыш зат қойылғандығы туралы хабарлаған ер адам бір жылға бас бостандығынан айырылды, деп ҚазАқпарат агенттігіне сілтеме жасап «Терроризмге қарсы комитет» РҚБ ресми сайты хабарлайды.

Петропавл қалалық сотының мәліметінше, оқиға биыл 9 қаңтар күні болған. Б. есімді ер адам мас күйде дәріханаға кіріп, фармацевтен «102» пультіне қоңырау шалып, көп қабатты үйге жарылғыш зат қойылғандығы туралы хабарлауды сұраған.

Оқиға орнына ҚР Ұлттық қауіпсіздік комитетінің СҚО бойынша департаменті, СҚО ТЖД Өрт сөндіру және авариялық-құтқару жұмыстары қызметі, СҚО полиция департаменті және Петропавл қаласының полиция басқармасы, облыстық жедел медициналық көмек орталығы жедел аттанып, бірнеше сағат бойы жұмыс істеді, хабарламаның жалғандығына көз жеткізді. Осылайша бірнеше арнайы қызмет материалдық шығынға батты.

Сотталушы өзінің кінәсін мойындамады, ол танысын қаралап, бар кінәні соған артпақ болды. Алайда оның дәлелдері расталмады. Прокурор Б.-ны кінәлі деп танып, оған нақты бас бостандығынан айыру жазасын тағайындауды сұрады.

«Дайындалып жатқан терроризм актісі туралы жалған хабар таратқандарға 5 мың АЕК-ке дейін мөлшерде айыппұл салу, не соған сәйкес түзеу жұмыстарына тарту немесе бес жылға дейінгі мерзімге бас бостандығын шектеу, не сол мерзімге бас бостандығынан айыру түріндегі жаза көзделген. Петропавл қалалық соты ер адамның кінәсін жеңілдететін жағдайларды анықтаған жоқ. Оның қылмысты мас күйінде, сондай-ақ төтенше жағдай кезінде жасауы оның кінәсін ауырлататын мән-жайлар деп танылды», — делінген хабарламада.

Петропавл қалалық соты Б.-ның жеке басын сипаттайтын деректерді, оның алғаш рет сотталғандығын ескере отырып, 1 жылға бас бостандығынан айырды.

Ер адам жазасын қылмыстық-атқару жүйесінің ең төменгі қауіпсіздік мекемесінде өтейді және келтірген материалдық шығынның орнын толтырды.

 

 

 

Добавить комментарий

Ваш адрес email не будет опубликован. Обязательные поля помечены *