НҰР-СҰЛТАН, 12 мамыр.Сәрсенбіге қараған түні пышақ ұстаған палестиналық Иерусалимдегі Ескі қаланың «Мақта қақпасы» маңында орналасқан шекарашыларға қарай «Аллаһу Акбар» деп шап етті. Бұл қақпалар Храм тауына апарады,деп Israel Info-ға сілтеме жасап «Терроризмге қарсы комитет» РҚБ ресми сайты хабарлайды.
«Магав» жауынгерлері шабуылдаушыны дер кезінде байқап, оған «Тоқта» деп айқайлады, ол әрекет етпеген соң оқ жаудырды. Палестиналық құлап, оқиға орнына полицияның қосымша күштері жеткен. Израильдіктердің ешқайсысы зардап шеккен жоқ.
Палестиналық Quds News агенттігі «израильдіктер пышақпен шабуыл жасамақ болды деген сылтаумен палестиналық жігітті өлтірді» деп хабарлады.
Осыдан екі ай бұрын дәл осы жерде лаңкес шекара қызметінің екі жауынгерін пышақтап өлтірген болатын.
Иерусалимдегі шиеленіс «Әл-Жазираның» журналисі Ширин Абу-Акленің жерлеу рәсіміне байланысты одан сайын артады. Ол әлі күнге дейін Шығыс Иерусалимде тұратын христиан отбасында дүниеге келген. Елорданың дәл осы ауданында жерлеу рәсімі өтті.
