НҰР-СҰЛТАН, 25 маусым. Санкт-Петербургтегі қорғаныс кәсіпорындарының бірінің қызметкері терроризмді ақтады деген күдікпен ұсталып, қамауға алынды, деп құқық қорғау органдарындағы дереккөз хабарлайды. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты жазады.  

«Ұсталған азаматқа қатысты Ресей Федерациясының Қылмыстық кодексінің 205.2 бабының 2-бөлігі  («Террористік әрекетке жария түрде шақыру, терроризмді жария түрде ақтау немесе терроризмді насихаттау») бойынша қылмыстық іс қозғалды. Сот оған екі айға қамауға алу түріндегі бұлтартпау шарасын таңдады», — деді агенттік сұхбатшысы.

Дереккөз ұсталған азаматтың 49 жаста екенін, ұзақ уақыт бойы қорғаныс бөлімінде азаматтық ақпараттық технологиялар маманы болып жұмыс істегенін хабарлады. Қауіпсіздік күштері ер адамның «ВКонтакте» әлеуметтік желісіндегі жарияланымдарына назар аударды, онда ол террористік  шабуылдарды ақтап, неонацистік топтарға жанашырлығын жасырмады.

Кінәсі дәлелденсе, сотталушы бес жылдан жеті жылға дейін бас бостандығынан айырылуы мүмкін.