НҰР-СҰЛТАН, 29 маусым. Бұрын сотты болған Сыктывкар тұрғыны жарылыс туралы жалған хабар бергені үшін қатаң режимдегі колонияға үш жылға сотталды, деп Сыктывкар қалалық сотының баспасөз қызметіне сілтеме жасап ТАСС хабарлайды. Бұл туралы «Терроризмге қарсы комитет» РҚБ ресми сайты жазады.
«Сыктывкар қалалық сотының үкіміне сәйкес, Амосов Ресей Федерациясының Қылмыстық кодексінің 207-бабының 2-бөлігі (« Әлеуметтік инфрақұрылым объектілеріне қатысты бұзақылық ниетпен жасалған, дайындалып жатқан жарылыс туралы көрінеу жалған хабарлау») бойынша сотталды», — делінген хабарламада.
Сот анықтағандай, Амосов 2021 жылдың 2 желтоқсанында кешке масаң күйде, бұзақылық ниетпен өз үйінен жедел қызметке қоңырау шалып, Сыктывкардың Нижний Чов ауылының дүкендердің біріне граната қойылғаны туралы көрінеу жалған ақпарат, яғни алдағы жарылыс туралы хабарлаған. Сотталушы тағылған айып бойынша өз кінәсін толық мойындады, іс сот талқылауының ерекше тәртібімен қаралды.
