НҰР-СҰЛТАН, 14 тамыз. Иерусалимдегі Жылау қабырғасының жанында автобустағы адамдарға оқ атылды. Бұл туралы 24.kz хабарлайды.
Жедел жәрдем қызметкерлерінің айтуынша, жеті адам жарақат алған. Екі адамның халі ауыр, қалғандарының жағдайы орташа.
Олардың барлығы автобус ішінде болған. Адамдар автобуспен қаланың көрікті жерлерін саяхаттап жүрген. Барлық зардап шеккендер ауруханаға жеткізілді. Күдікті қашып кетті, оның әрекеті алдын ала террористік шабуыл ретінде қарастырылды.
