НҰР-СҰЛТАН, 17 тамыз. Алтай өлкесінде Ресейде тыйым салынған «Таблиғи жамағат» халықаралық лаңкестік ұйымының жақтаушысы сот алдына келді, деп РФ Федералдық қауіпсіздік қызметі басқармасының баспасөз қызметі хабарлады, деп Islam-today-ге сілтеме жасап «Терроризмге қарсы комитет» РҚБ ресми сайты жазады.

РФ Федералдық қауіпсіздік қызметі басқармасының аймақ бойынша баспасөз қызметінің хабарлауынша, түзеу мекемесінде жазасын өтеп жатқан Ресей Федерациясының азаматы Ресей Федерациясы Қылмыстық кодексінің 282.2-бабының 2-бөлігі және 282.2-бабының  1.1-бөлігі (сот экстремистік әрекеттерді жүзеге асыруға байланысты қызметке тыйым салу туралы заңды күшіне енген шешім қабылдаған діни бірлестіктің қызметіне қатысу) бойынша кінәлі деп танылды.

Тергеу және сот сотталушының халықаралық діни бірлестіктің мүшесі бола отырып, 2000-шы жылдардың басында Башқұртстан аумағында өз қызметін ұйымдастырғанын анықтады. Ол Ресей Федерациясы Жоғарғы Сотының 2009 жылғы 7 мамырдағы Ресей Федерациясы аумағында ұйымға тыйым салу туралы шешімі күшіне енгеннен кейін де исламның радикалды түрін тарату арқылы әлемдік үстемдік орнату идеясын уағыздауды жалғастырды.

Башқұртстан соты ер адамды төрт жыл жеті айға бас бостандығынан айырды, ол Алтай аймағына жіберілді. Колонияда ол тыйым салынған экстремистік ұйымға қатысуын жалғастырды.

Осылайша, 2018 жылдан бастап ол басқа сотталғандар арасында жасырын діни жиналыстар өткізе бастады, онда ол «Таблиғи жамағат» идеяларын насихаттап, жаңа ізбасарларды жинады. Ер адам іс бойынша кінәсін толық мойындады. Сот оны бес жыл 20 тәулікке бас бостандығынан айыру жазасын қатаң режимдегі түзеу колониясында өтеу туралы үкім шығарды.