Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

Өскеменге аса ірі көлемде синтетикалық есірткі әкелмек болған алматылық ұсталды

ӨСКЕМЕН, 20 тамыз. Өскемендік полицейлер 65 млн теңгенің есірткісін тәркіледі, – деп хабарлайды Polisia.kz.

Шығыс Қазақстан облысының полицейлері ҚР Ұлттық ұланының арнайы бөлімшелерін тарта отырып, елдің шығысына есірткі жеткізуге қатысы бар адамдардың қылмыстық әрекеттерінің жолын кесу бойынша арнайы операция өткізді.

Нәтижесінде 3,5 мың бір реттік дозаға тең салмағы 1 келі жуық синтетикалық есірткінің аса ірі партиясын Өскемен қаласына әкелмек болған 35 жастағы алматылық ұсталды. Ұстау барысында автокөлікте онымен бірге жұбайы да отырған. Қаскөй күдікке ілінбес үшін өзімен бірге әдейі жолға алғаны мәлім болды.

Біраз уақыттан соң қылмыстық топтың екінші қатысушысы да қолға түсті. Ұсталған 29 жастағы ер адамнан 2 мың дозаға тең 600 грамм синтетикалық есірткі тәркіленді.

Есірткі арнасын жою бойынша арнайы операция Өскеменге арнайы келген Ақтөбе қаласының 24 жастағы тұрғынын ұстаумен аяқталды. Тінту барысында одан құрамында 0,5 келіден астам альфа-PVP психотроптық сұйықтығы бар 5 пластикалық ыдыс тәркіленді.

– Қабылданған шаралар нәтижесінде, облыс орталығында шамамен мөлшері 8 мың бір реттік есірткі дозасын жеткізудің арнасы жойылды, оның “қара нарықтағы” құны шамамен 65 млн теңгеден асады. Қазіргі уақытта күдіктілердің үшеуі де қамауға алынды. Олардың әрекеттері ҚР ҚК-нің 297-бабы 3-бөлігі бойынша сараланады, оның санкциясында 10 жылдан 15 жылға дейін бас бостандығынан айыру түріндегі жаза көзделген, – деді ШҚО Полиция департаменті бастығының орынбасары Талғат Шаяхметов.

Добавить комментарий

Ваш адрес email не будет опубликован. Обязательные поля помечены *