НҰР-СҰЛТАН, 23 тамыз. РФ ФҚҚ қоғамдық байланыс орталығы жариялаған видеода Ресейде ұсталған жанкешті «пайғамбарды қорлағаны үшін» Үндістанда кек алуы тиіс болғанын мойындады, деп РИА Новостиге сілтеме жасап «Терроризмге қарсы комитет» РҚБ ресми сайты жазады.

Орталық Азия аймағындағы бір елдің тумасы «Үндістанның билеуші ​​топтары өкілдерінің біріне» қарсы теракт жасауды жоспарлаған, деп ФҚҚ хабарлаған болатын.

Ведомствоның мәліметінше, ол сәуірден маусым аралығында Түркияда жүрген, сол жерде оны ИМ басшыларының бірі жанкешті ретінде жалдаған. Оған Telegram арқылы қашықтан және Ыстамбұлдағы жеке кездесулерде ықпал жасаған.

 «2022 жылы … мен Ресейге ұшып келдім, ол жерден мен Үндістанға кетуім керек еді . Үндістанда «Ислам мемлекетінің»* бұйрығымен  Мұхаммед пайғамбарға тіл тигізгені үшін теракт жасауға қажетті барлық  заттарды беруі керек еді», — деді ұсталған адам.

* Қазақстан Республикасында тыйым салынған ұйым