НҰР-СҰЛТАН, 24 тамыз. Сомали президенті Хасан шейх Мохамуд сейсенбі күні республиканың Ұлттық қауіпсіздік комитетімен кездесуі барысында елдегі лаңкестіктің тамырын жою ниеті туралы мәлімдеді, деп хабарлайды ТАСС. Бұл туралы  Stopterror.uz   -қа сілтеме жасап  «Терроризмге қарсы комитет» РҚБ ресми сайты хабарлайды .

«Біз терроризмді жоюға бел будық <…>. Бұл жоспар дайындалуда және жүзеге асырылуда, бұл жоспар біздің үкімет үшін басымдық болып табылады», — деді Хасан Шейх Мохамуд.

Президент сонымен қатар Сомали азаматтарын лаңкестерге қарсы «соғысқа дайындалуға» шақырды.

Бұған қоса, сейсенбі күні Сомали БАҚ-тары мазмұнын қайталаған халыққа жолдауында мемлекет басшысы өз елінің «Аш-Шабаб» тобын жеңетінін» баса айтты. «Үкімет пен халық берілмейді», — деп қосты ол.

19 тамызда «Аш-Шабаб» лаңкестері Могадишоның орталығында шенеуніктер мен әскерилер арасында танымал қонақүйге шабуыл жасады. Шабуыл алдында үш жарылыс болды. Содырлар тобы ғимаратқа басып кіріп, оның ішінде бекініп үлгерген. Қонақ үйге жасалған шабуыл 30 сағаттан астам уақытқа созылды. Сомали денсаулық сақтау министрі Али Хаджи Адан шабуыл мен одан кейінгі шайқас кезінде 21 адам қаза тауып, 117 адам жараланғанын айтты. Қауіпсіздік қызметі 106 адамды ғимараттан алып шықты.

Анықтама:  «Аш-Шабаб» тобы 2004 жылы Сомалиде құрылған. 2008 жылдан бері оның содырлары мезгіл-мезгіл лаңкестік әрекеттер жасап келеді. 2010 жылға қарай топ кең аумақтарды басқарды, бірақ 2011 жылдың жазында Сомали астанасы Могадишодан кетіп, ел үкіметі мен оның одақтастарымен күрестің партизандық тактикасына көшуге мәжбүр болды. 2012 жылғы ақпан айында «Аш-Шабаб» басшыларының бірі содырлардың «Әл-Каида*» лаңкестік ұйымына (ҚР-да тыйым салынған ұйым) қосылғаны туралы жариялады. «Аш-Шабаб» тобының жалпы саны әртүрлі мәліметтер бойынша 10 мың содырға дейін жетеді.

* Қазақстан Республикасында тыйым салынған ұйым