НҰР-СҰЛТАН, 13 қыркүйек. 2022 жылғы 12-30 қыркүйек аралығында ҚР Авиация әкімшілігінің бұйрығымен ел әуежайларында қауіпсіздік шаралары күшейтілді, деп Zakon.kz-ке сілтеме жасап «Терроризмге қарсы комитет» РҚБ ресми сайты жазады.
Қазақстанның ірі әуе компаниясы жолаушыларға мәлімдеме жасады.
«Air Astana жолаушыларды тексеру және тіркеу процедураларынан өту үшін Қазақстан әуежайларына алдын ала келуді сұрайды. Бұл 12-30 қыркүйек аралығында қазақстандық әуежайларда күшейтілген қауіпсіздік шараларының енгізілуіне байланысты», — деді компанияның баспасөз қызметі.
Бұдан бұрын хабарланғандай, Азаматтық авиация комитеті жазда қазақстандық әуе компанияларына сегізінші рет айыппұл салынғанын хабарлаған болатын. Олар 8 мың АЕК (24 млн 504 мың теңге) көлемінде әкімшілік жауапкершілікке тартылды.
