НҰР-СҰЛТАН, 16 қыркүйек. Буркина-Фасодағы теракт салдарынан сегіз сарбаз қаза тапты, деп хабарлайды Anadolu ақпарат агенттігі армиядағы дереккөзге сілтеме жасап. Бұл туралы «Терроризмге қарсы комитет» РҚБ ресми сайты жазады.
Әскери қызметкерлер Сахел аймағының Удалан провинциясында лаңкестердің торуылына түскені атап өтілді.
Атыс барысында 41 лаңкес залалсыздандырылды.
Көрші Малидегі «Әл-Каида»* және ДАИШ (ИМ)* ұйымымен байланысы бар лаңкестік топтар 2015 жылдан бері Буркина-Фасоның солтүстігі мен шығысында шабуылдар ұйымдастырып келеді .
Ресми мәліметтерге сәйкес, 2015 жылдан бастап 2021 жылдың желтоқсанына дейін 2000 адам, оның ішінде 600-і қауіпсіздік күштерінің қызметкері осындай шабуылдардың құрбаны болды.
* Қазақстан Республикасында тыйым салынған ұйым
