АСТАНА, 04 қазан. Конго Демократиялық Республикасында (КДР) «Демократиялық күштер альянсы» (ДКА) экстремистік тобының содырлары кем дегенде 14 адамды өлтірді, деп Agence France-Presse (AFP) хабарлайды. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты жазады.

Жергілікті биліктің мәліметінше, сенбі күні мачетемен қаруланған содырлар ауылға басып кіріп, жергілікті тұрғындарға шабуыл жасапған, салдарынан 14 адам қаза тауып, екеуі жараланған. Сондай-ақ екі бала із-түзсіз жоғалған.

ДКА  1995 жылы Уганданың батысындағы мұсылман сектасының негізінде ел үкіметіне оппозицияда болған исламшыл топ ретінде құрылған. 2003 жылы Уганда қарулы күштерінің шабуылдарынан ДКА бөлімшелері Конго Демократиялық Республикасының шығыс аймақтарын паналады. БҰҰ мәліметі бойынша, соңғы екі жыл ішінде ДКА содырлары КДР шығысында 1300-ден астам бейбіт тұрғынды өлтірген.

• Tags«Демократиялық күштер альянсы»бейбіт тұрғындарға шабуылКонгоТерроризмге қарсы күрес