АСТАНА, 02 қараша. Ауғанстанның бас қаласы Кабулда жолдың шетіне орналастырылған миналардың жарылуы салдарынан 8 адам жарақат алды, деп TRT агенттігіне сілтеме жасап «Терроризмге қарсы комитет» РҚБ ресми сайты жазады.
Жергілікті уақыт бойынша сағат 08:30 шамасында Кабулдың бесінші ауданындағы Сило даңғылына төселген миналар Ауылды қалпына келтіру және даму министрлігінің қызметкерлері мінген көлік өтіп бара жатқанда жарылды.
Кабул полициясының баспасөз хатшысы Халид Задран «Көлікте болған жарылыс салдарынан сегіз адам жараланды» деді.
Зардап шеккендер ауруханаға жеткізіліп, шабуылдың жауапкерлігін ешкім мойнына алмады.
