АСТАНА, 03 қараша. Кенияда «Аш-Шабаб» лаңкестік ұйымының мүшелері араларында денсаулық сақтау қызметкерлері де бар 4 адамды ұрлап кетті, деп TRT агенттігіне сілтеме жасап «Терроризмге қарсы комитет» РҚБ ресми сайты жазады.
The Daily Nation газетінің хабарлауынша Сомалимен шекарадағы Мандера аймағында террор ұйымы «Аш-Шабаб» мүшелері кеше кешкі уақытта бір жедел жәрдем көлігін ішіндегі 2 денсаулық қызметкері, 1 науқас және жүргізушісімен ұрлап кетті.
Кения шекарасынан Сомалиге өткен көліктің қайда кеткені қазірше белгісіз.
Сомалидің Кения шекарасында да белсенді екені белгілі «Аш-Шабаб» бірнеше аптадан бері Сомали армиясының ауыр шабуылдарына ұшырауда.
Ұйым ауылдағы шабуылдарға жауап ретінде аптаның соңында бас қала Могадишода бомба тиелген көлікпен 2 шабуыл жасап, шабуылда кемінде 120 адам қаза тапты.
