АСТАНА, 29 қараша. Радикалды «Техрик-и-Талибан Пәкістан» (Пәкістанның тәлібтер қозғалысы, ТТП) дүйсенбі күні ислам республикасы үкіметімен бітімгершілікті тоқтатқанын жариялады, деп The Express Tribune газеті хабарлады. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты хабарлайды.
TTП хабарлауынша, топ «келіссөздер процесін жалғастыру мүддесі үшін шыдамдылық танытты», бірақ «[Пәкістан] армиясы мен барлау қызметтері оның мүшелерін ұстау және жою операцияларын жалғастырды». Осыған байланысты «Техрик-и-Талибан Пәкістан» ұйымының басшылығы бітімгершілікті жою туралы шешім қабылдады, ал оның бақылауындағы содырларға «бүкіл Пәкістанда» лаңкестік әрекеттерді ұйымдастыру тапсырылды.
Пәкістандық тәліптер мен Ислам республикасы билігі арасындағы атысты тоқтату келісімі 2022 жылдың маусымында күшіне енген.
«Техрик-и-Талибан Пәкістан» лаңкестік тобы негізінен елдің солтүстік-батыс аймақтарында және Ауғанстанмен шекара бойында әрекет етеді. Оның қатысушылары Пәкістан үкіметі мен елдегі билік жүйесіне қарсы тұрады, шариғат заңдарына негізделген мемлекет құруға ұмтылады.
