Анкара. 4 қаңтар. Түркия полициясы жаңажылдық түні болған теракттің ұйымдастырушысын іздестіру аясында арнайы операция барысында 23 адамды ұстады,деп жергілікті БАҚ-қа сілтеме жасап Интерфакс хабарлайды.

Кейбір ақпараттар бойынша ұсталғандар арасында шетелдіктер бар.

Осыған дейін шабуылға қатысты ИМ террористтік тобының болжалды бес мүшесі ұсталған туралы хабарланды.

Бұдан басқа Түркия СІМ басшысы Мевлют Чавушоглу сәрсенбі күні стамбулдық қанішердің жеке басы анықталды деп хабарлаған.

Полицейлердің операциясы Измир қаласында өткізіліп жатыр.

Еске сала кетсек, Стамбулдағы Reina клубына шабуыл жаңажылдық түні болды.Қаруы бар содыр автоматтан оқ атып,салдарынан 39 адам қаза тапты.70 шақты адам жарақат алды.Қылмыскерді сол жерде құрықтау іске аспады.

Дереккөз: Интерфакс