Исламабад. 23 қаңтар. Пәкістанда Ауғанстанмен шекара маңыдағы базарда болған жарылыс салдарынан қаза тапқан адам саны 25-ке жеткен, жараланып ауруханаға түскен 50-ге тарта адамның кейбірінің халі өте ауыр деп хабарлайды Associated Press.

Сенбінің кешінде базардағы орындардың біріне жасырын орнатылған бомба жарылған. Жарылысқа қатысы барын мәлімдеп үлгерген бірнеше топтың арасында пәкістандық Талибан қозғалысы да бар. Олар бұл шабуылды Сирия президенті Башар Асадты қолдағаны үшін шиит мұсылмандардан кек алу деп мәлімдеген.

2015 жылы желтоқсанда дәл осы базарда болған жарылыстан 23 адам қаза тауып, 30-ден астам адам зардап шеккен еді.

Дереккөз: Азаттық Радиосы