Кабул. 8 наурыз. Кабулдағы госпитальға шабуылды Ирак пен Леванттың террористік тобы мойнына алды. Бұл туралы Хабар 24 телеарнасы хабарлайды.

Лаңкестер ауруханаға ақ халат жамылып, дәрігер болып кіріп кеткен. 400 адамға арналған госпитальдің қырағы күзетілетін дипломатиялық ауданда орналасқанына қарамастан, террористер арам ойын оңайлықпен іске асырып кеткен. Артынша олар бұл қылмысын Aamaq агенттігіне мәлімдеме жасап мойындады.

Естеріңізге сала кетсек, осыған дейін Кабулдағы госпитальға жасалған шабуылдан 30 адамның қаза тапқаны туралы хабарлаған едік.

Дереккөз: Хабар 24