Исламабад. 10 наурыз. ИЛИМ (Қазақстан аумағында тыйым салынған) террористік ұйымының лаңкестері, оның ішінде Ауғанстан пен Пәкістандағы содырлар террористік актілер жасауға дайындық кезінде толығымен телефон байланысын үзу үшін Telegram секілді мессенджерлерге көшті.
Пәкістан арнайы жасағы өкілдерінің айтуынша, бұл жағдай республикадағы радикалды топтардың іс-қимылдарын қадағалауға кедергі тудырады. Себебі, Telegram мессенджері арқылы жіберілген хабарлар белгілі бір уақытта автоматты түрде жойылып кетеді, бұл өз кезегінде хат-хабарларды бақылауға мүмкіндік бермейді. «Бүгінде террористік топтар телефон байланысынан түгелдей ажырады деуге болады» дейді Пәкістан күштік құрылымы.
