Қызылорда. 13 мамыр. Қызылорда қаласындағы Достық үйінде ақпараттық-түсіндіру тобына арнайы «Экстремизм мен терроризмнің алдын алу» тақырыбында семинары өтті.

Семинар шарасында Дін істері және азаматтық қоғам министрлігінің республикалық ақпараттық-түсіндіру тобының саясаттанушы-сарапшысы Руслан Иржанов, аудан әкімдерінің орынбасарлары, облыстық басқарма басшылары, ауылдық округ әкімдері қатысты.

Семинарда экстремизм мен терроризмнің алдын алудың өзекті мәселелері, мемлекеттік және жергілікті атқарушы органның өзара байланыс деңгейін арттырудың маңыздылығы талқыланды. Бұл қатарда қазақстандық қоғамда террористік және экстремистік идеологиялардың таралуына тосқауыл қою бойынша ақпараттық-түсіндіру жұмыстарының мақсат-бағыттары тереңірек айқындала түсті.

Дереккөз:  Кызылординские Вести